يا عم الشيخ م تحضرنا
مدام القلب فيه طيبه
و شوف ايه اللى غيرنا
بلاش عند و بلاش خيبه
ده مش عيب ان اقول غلطان
مدام فى الحق مش عيبه
كلامك سيف على رقبتى
مهو انت كبير و ليك هيبه
يا عم الشيخ
يا عم الشيخ م تحسبها
آدى الغطاس وآدى المايه
و شوف الحق م الباطل
و قول الحق علانيه
عشان الناس كمان تسمع
م تاخدهاش بسوء نيه
بقولهالك و قصدى شريف
و كل الناس سواسيه
يا عم الشيخ
يا عم الشيخ م تعقلها
و سيبك م اللى فكَر لك
و متفكرش تبقى حليف
و كل الناس هتركعلك
و هوا العمر مهما تعيش
هتيجى عليه و يرجعلك
و ابنك مهما تجرى عليه
هييجى معاك و يشفعلك
يا عم الشيخ
بقلمى \ محمد العربى
المشاركات
0 التعليقات: