خبزة الآمال تعشى بقلم الشاعر وحيد راغب

"خبزة الآمال تعشى)
ربى كلب 
تتلاقيه بيلوف عليك
واحترم بصة الشوق اللى ساكنة 
بين عنيك 
صهدة الحرقة تحية
ومحرقة هتلر
لديك
الفاشية تحت جلدك
فضها
واعرف بجد
مين شاريك
الرعاية
عمرها ما تكون جباية
دبكة حابكة
وسوق بتاجر
فى اللى باعك
واشتراك
ضلفة النهر اللى فبتحت
نهر فرعى
قادرة تلعب بانزياحها
ما اختمر إصيص هواك
كان شجى ف اللحن طافر
كان هناك
سرسبة دمع احترق
واختنق
دخان فداك
استوى العرش بجماله
واحتفى بجذوة سناك
مين حلم بالكاس هايفرح
واللى خبزة فوق كتافه
حزن شايل
والهلاك
ربى كلب
ف فتنة صاحية
الغراقد للماسون
والماعون ساقية بهدير
الورق مش كله توت
ولا عنكبوت
الورق منه اللى فايح
منه اللى فضة
ف توب سكوت
خبزة الآمال تعشى
لو وراها عشق صافى
بدون شروط
سنديانة قلب أخضر
ظلها
يحيى الموات
دقة الروح انتشاءها
ف الجهات
هو صور الصين حماها
واللا خلف الصور قلوب
فجرت حب البلاد
ربى كلب لما تغرب
شمسنا
ف وقت الزناد
طش مية ف وش عتمة
تصحى من غفلة سهاد
ضجة الثورات بتمنح
كل باصص بكرة ييجى
زى عنقاء الرماد
ربى كلب واستحى
ان فيه ف الناس بلادة
واعتماد
وان فيه طفرة جموح
واحتشاد
الفرس قطع اللجام
والمنام فتح النوافذ
للأمام
لا انتعش نيرون ف روما
ولا انتقش ضبع العتام
الشروق زرعة شعوبنا
َورد بيضوَّع وئام
ربى كلب ف وقت زحمة
ودربه يلعب سلام
الشاعر وحيد راغب