ياللى جاى تقوللى سامح بقلم الشاعر. محمد الشاذلى

(ياللى جاى تقوللى سامح). 
******************** ١٠/ نوفمبر/٢٠١٦ 
ياللى جاى تقوللى سامح
موش ح سامح
ياللى جاى تقوللى نادم
مانت جارح
ياللى جاى تقوللى انسى
موش راح انسى
طب وبعدين اماح نسى
بترجع اقسى
واما اسامح واما ح انسى
انت لسه
قلبك دا فيه غدرك ماليه
قسوه وخداع
وقلبى اللى دايما مشتريك
وانت اللى باع
تغدر وترجع بعين تدمع
تقول سامحنى
وقلبى كرهك لانى عارفك
دا غصب عنى
كتر القساوه بتجيب غباوه
من عقل سارح
ياللى جاى تقوللى سامح
موش ح سامح
بقلم الشاعر. محمد الشاذلى