خاطره عن ( الدروس الخصوصيه ) الله لا يسامحك بقلم إبراهيم خليل على الشاعر

خاطره عن ( الدروس الخصوصيه )
الله لا يسامحك
........................
إسمك إيه ؟
اسمي مُعلم .
-
بِتْعلم إيه ؟
-
أعلم جيل ..
يبقى حرامى .
حتى لو بقا غفير .
أو حتى سفير .
-
أعلمه الرشوه ...
وعدم الضمير .
-
فى فصلى ..
لا أشرحلك ولا تشرحلى .
حتى لو كان أبوك وزير .
-
بس ..
أشرحلك فى درس خصوصى .
لجل تكتر أموالى وفلوسى .
-
درس خصوصى ليه ؟
وانتا معلم أجيال ؟
مش مُعلم خصوصى ؟
وليك مرتب خصوصى .
-
مرتبى ؟
مرتبى فنتازيا .
لمصروف عيالى ومصروفى .
-
دى الناس مش لاقيه .
لا تمن اللقمه .
ولا تمن المايه .
إرحم دا الدنيا ساقيه .
-
بضمير إشرح بفصلك . 
لجل يبارك ربك .
وتلقى الخير بولدك .
-
شربت دمى ..
لجل يكتر دمك .
-
ليه نسيت إن نبضك ؟
بين أيادى الرحمن .
وعن مالك هـــ يحاسبك .
روح الله لا يسامحك .
.............................
إبراهيم خليل على الشاعر27/9/2017