ياخارجه م الدار وزارعه سكتك مشاوير
ياطرحه شرفك علم من الهوي بيطير
الليل عيون تنهشك وأدين سراقه
ردي ببانك عليكي وتصبحي علي خير
*****
لما بتلبس وشك التاني بتوجعني
وأشم ريحتك شرار ف الروح بيلسعني
قتلت ليه البراءه وهي بتناغي
ماتسبني ارجع ومن احضانك اخلعني
****
بين الحياه والموت خطوط بتتلاقي
ارحام بتولد تلاقي لحود مشتاقه
نقطع خطاوي السنين بخصام يفرقنا
وفي النهايه ف قلب القبر نتلاقي
عجبي
****
زي الصغير يرفرف قلبي جوايا
وأحب كل البشر بالنص والأيه
ياما نفسي كل البشر يتعلموا مني
وتبقي روح المحبه عشق وهوايه
عجبي
المشاركات
0 التعليقات: