وليا حبيب بقلم / رمضان العلالقة

وليا حبيب ... غنائية
~~~~~~~~~
و لقيتني بحب و ليا حبيب
بعد ما كنت غريب و وحيد
فجأة ياخدنا الهوى و يطير
قلت أنا دوبت من التنهيد
قال الوعد ما فيه تجريح
ولا يوم تبقى في دنيا شريد
كل أنين و ألم تنساه
نطلع عند السما و بعيد
نكسر صوت الخوف و نروح
عالم تاني و عهد جديد
حلم حقيقي الروح حساه
قلت حبيب القلب أكيد
بينسيني كلمة ٱه
و بيذهلني بكل ما فيه
بيحسسني الفرح معاه
طول العمر أنا بشعر بيه
جوه الروح و سنين عيشاه
هو جنون الليل و عنيد
هو القلب و نبض حياة
بينسىني كنت في ويل
أجمل لحظة بعيش وياه
دايما يضحك كل صباح
و يقول كلمة بقولها معاه
و اما بييجي وقت أصيل
كل دروب الشوق عرفاه
نسمع غنوة بهمسه الليل
جوه خيوط النور بلقاه
تعزف لينا نجوم و تميل
على مفاتنها تقول الله
أيوه بحب بجد صحيح
هو دا قلبي اللي أتمناه
~~~~~~~~
بقلم / رمضان العلالقة