عايزين نحب بعض بقلم محمد عباس معلم الإسماعيلية

خواطر غنائية : بعنوان ( عايزين نحب بعض )
عايزين نحب بعض.. مش كلمة والسلام
يمكن منشفشى بعض.. ولا نظرة ولا ابتسام
مش كنت زمان حبيبي..وبتيجى تحن لي
راح فين الكلام.. تشوفني وتنحنى
مش هاين حتى عليك.. تواسيني وتشترى
ازاى تحب غيري .. والأولى تحبني
والله لو تفكر.. هتيجى تضمني
والدنيا زايلة وفايتة ..فقير والأغنى
والله حرام عليك ..العمر بينسرق
هناخد إيه معانا.. ده بكرة هنفترق
والباقي صلة الرحم... وإلا هننحرق
الحب هيستمر... ودى حاجة تهمنى
بلاش نكد أو غم.. بالفرح ونحتمي
يسود بينا الحنان ..وانسي وبص لي
مثل وسمعته زمان.. الدم ميبقاش ميه
أكيدا ما فيش كلام.. لما أرشك بالمية
فاهمنى والاتعبى.. راح في شربة مية
يا خسارة يا ابن ابوى .. راح فين الامان
القسوة والنسيان.. طباع مكنتشى زمان
مافيش كبير يطيب .. ونلم كل عيلة
ونبقى حاجة واحدة .... ونسيب ذكرى جميلة
جدودنا علمونا.. نكبر للكبير
نتفاوض بالمحبة.. والصعب هيبقى يسير
وشوية وحبة حبة.. الصغير هيبقى كبير
وكمان كلمة حق .. وعدالة بتستنير
نتوارث المحبة ... ونتوب ونستخير
نتجمع ونستخبى .. في الشر أو في الخير
عايزين نحب صح .. ونكون دعاة للخير
 بقلم محمد عباس معلم الإسماعيلية