"بلاها جواز وتأهيلة" قصيدة صعيدي بقلم الشاعر والمؤلف : حسن عمران

"بلاها جواز وتأهيلة" قصيدة صعيدي.

شعر : حسن عمران.

بحبك بس أنا مفروس..

 أبوكي جال طالبها فلوس!!

 بيتكلم ف تلاجة.. 

وسجادة عليها ندوس.. 

طب أشبعي به أبن الفرطوس!!..

 ماهيش بيعة ولا شروة.. 

ولا مضاربة ولا ثروة.. 

وأنا لا ثروة ولا حولة.. 

وعشت أكده بلاها فلوس..

 أبوكي جام مزاد ليكي.. 

وطالب ياما ف أيديكي..

 وف عنيكي ورجليكي.. 

وحوسة وخلا عجلي يحوس!!.. 

مانيش عاوزك كده خالص... 

جولي له إني مانيش وارث..

 لكن مجدع.. لكن فارس..

 وعرض مرتي أكون حارس..

 ويسأل عني أبن عروس..

 شاعروبحوري ماليها..

 وعزة نفسي أعيش بيها.. 

كرامتي تاج وحاميها.. 

ولا وطيت ليد أبوس..

 بلاها جواز وتأهيلة.. 

وعندي ف فكري مية حيلة..

 وألف عروسة وبديلة.. 

وتتساوي حدايا الروس..

 شفيجة ذي فرهودة..

 وشجرا ذيها السودة.. 

وليكي خلاص مافيش عودة..

 يابت أبو عَجل بات فسفوس!!

الشاعر والمؤلف : حسن عمران