ليل طويل بقلم رضا الشيخ

ليل طويل.رضا الشيخ.8/12/2016
الليل طويل وعتمته كحل
يبدأ سواده وقت نومى
افتكر احزانى وكل همومى
وان ناديت للفرح يرحل
ذكريات تيجى وحاجات تحير
ولافيش حاجه عليه تصبر
كله خير بس هو بيتقل
ابص لفوق وارفع ايدى للسما
وبكل خشوع ادعى ربنا
قوينى على نفسي تتحمل
الصدر ضاق من الخنقه
والقلب مابقاش فى رقه
ولاعاد له نفس يتجمل
ياليل ماتبقاش كده عليا
ماصعبش عليك دمع عينيا
طب لحد امتى هتطول
فى غيري كتير يمكن نايم
واشمعنا عن نومك صايم
روح لهم شويه وتعالى كمل
اقولك صراحه والله مافى شهيه
والعيشه كمان مابقتش هنيه
هى جت عليك انت وهسترجل
خليك براحتك وانا قاعد معاك
لما نشوف مين تانى هيستناك
وعليه برضو هتتراخم وتطول