قالتلى بنتى النهارده
عيد ميلادى يابابا فين
التورته والجاتوهات
بصيت فوق وسرحت
شويه مش كتير
ورجعت ارد على ست
البنات
قلتلها هديتى ليكى
قصيده اسمها
من الميلاد للممات
ردت عليا وقالت طب
سمعنى ياشاعر
بسرعه وهات
قلتلها خلاص دلوقتى
وسيبينى بس
لحظات
دارت راسي وانا مكانى
لفيت كل الشوارع
والحارات
وقلت يوم ميلادنا بيكون
فرح وزغاريد لناس
وبيكون للأم الأهات
وقبل منها حمل تسع شهور
وتبقى تعبانه وممنوعه من
دواها الا فى اصعب
الحالات
وتشرف سعادتك للدنيا وعليها
تتنمرد وهى تاخد نصيبها منك
سكات
ومن حضانه لمدرسه لجامعه
سهرانه ولاتعرف الراحات
وواخده بالها منك وشايفه
لك كل الطللبات
ولما تكبر وتتجوز تنساها
وتراضى بس مراتك
طبعا ماهى ست الستات
ماعلينا من ده كله مسير
اللى عملته يتعمل فيك
مهما العمر مافات
ولما تعجز وتمشي تتسند
على العكازات
ماتلاقى غير زرعك اللى
زرعته وانت بصحه
وواقف بثبات
صدقنى وخدها نصيحه العمر
بيتسرق ولاتبقى غير
الطاعات
عيش حياتك وربى ولادك
وكمان ماتنسي
العبادات
عشان الموقف العظيم
ماتوقفش فيه ندمان
ويكون الاوان فات
وخلى زادك من الدنيا
يكفيك فى اخرتك
اصلها يابنى قصيره اوى
وتحس ان بين الميلاد
والممات ...........
لحظات
المشاركات
0 التعليقات: