؛ متغـــــــربـــه ؛ بقلم عبيـــــــر الجنــــــــــــدي

؛؛ متغـــــــربـــه ؛؛
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
حسيتنى دمعة غريبه ..
وسنين هوايا 
إتغربت ..
لما ابتدت ،
رحلة الهم المريرة ..
فوق سكة الأحزان
على نور بيبانى قربت ...
وسألت نفسى سؤال عجيب ..
الحب اصبح سلاح
للهجر والحرمان ...
والحقد ..
ف قلوب البشر عنوان ...
معقوله كل مشاعر الأكوان ..
ببساطه ابسط م بسيطة
اتكسرت ...
ورحلة الهم المريرة
قربت..
الحلم يا ما حلمت بيه ..
عشت فيه ..
بساتين محبه زرعتها ..
ورميت حنانى ع الندى ..
يطرح ورودى للأحبه ..
ونديت لشمس محبتى
بركان هنا ...
يطرح صفا ويدوب ف نبضة غنوتى ...
قدمتها عنوان لفجر الأمنيات ..
ولا عمرى قدمت الحلم غير ،
وهو معجون بمحبتى ...
ولقتنى فجأه ف المطر
وكأن حلمى بينتحر
وسنين كتيرة رسمتها
ضاعت هدر ...
يادى القدر ...
لو كنت ادرا بصرختى
خليك عطوف ...
والمح وشوف ..
السكة مش سكتى ...
لوكان جزاتى انى اعيش من غير حبايب ...
يعرفونى ..
او يحسوا وحدتى ...
انا اليك رجائى بانسجة ..
من نن قلب الخوف وتحطيم اللقا ...
ارجوك تحن برحمتك ...
واكتب نهاية
قصتى ...
لاجل المحبة تنتهى ..
واقدر اجاوز محنتى ..
وابعد بعيد عن غربتى ...
مابين قلوب
اتحجرت ...
فى رحلة الهم الغريبه ..
واللى اصلا قربت
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عبيـــــــر الجنــــــــــــدي
همسـღـات اســــتثنائــღــة