أنا الحرف إللي عاش محبوس بقلم حسن الاقصري

أنا الحرف إللي عاش محبوس
جوه ضلوعي بيعاني
أنا إللي بكتب الكلمه
ولا الكلمه إللي كاتباني
أنا الواقف في آخر الصف
أنا المركون فوق الرف
أنا الكروان نفسه يغني
لكن خيطوا لساني
أنا الورده ف أرض البور
قلم صادق فعهد الزور
وقلب من القسا محفور
بحب الناس
بس الناس كرهاني
أنا إللي زماني عشمني
لكني تعبت
م التخريم ف وداني
أنا النقطه في آخر السطر
أنا الضحكه إللي
داسها القطر
وسابها تئن وتعاني

أناإللي زهقت
من كتر الأسى واللوم
أنا إللي سكنت
في عش الغراب والبوم
أنا المكلوم
ومن صدر الهنا مفطوم
ولما ولدت
لاقيت أمي مخاصماني
حسن الاقصري